Schrijvers om de Noord

 
 
 
 
 
 
 
 
 
 
 
 
 
Jan Siebo Uffen
tekening door Ger Siks

Jan Siebo Uffen

Serenade veur K. ter Laan

Luster, doe lustege zanger,
luster noar t laidje weeromme, swieg nou mor blied.
Weerklank, aal daiper en laanger,
onder dien venster zingt jonkhaid wonderliek swiet,
wonderliek, wonderliek swiet.
t Haart en de zun akkedaaiern
hoog doar in t blaauw, hoog doar in t biestere blaauw,
doarhìn dien wìnstege taimkes levaaiern.

Grunnegs, doar elk wat om groalde -
schreefst moekes toal twinteg winters deel op pepier!
Aal, wat dien wieshaid bestroalde,
aal, wat dien mieshaid nog loende, gruit nou mit tier,
gruit nou mit tier, gruit nou mit tier;
overaal blui, aal meer iemkes,
dege en goud, doezend moal wonder dien moud:
doezend vertèlsters en staf-òlde riemkes.

Aal mokt de stried die weer jonger,
hoog onder t flakkernde voandel stapstoe veurbie.
Vechtst tegen aarmou en honger,
veuraan mit vroag om de woarhaid, dat mout veur die,
dat mout veur die, dat mout veur die!
Stief achter striedboare woarhaid,
gafst ons weer moud, Grunnegs, zo geve en goud:
toal kreeg dien kracht en dien zuverste kloarhaid.

Edvard Grieg/Bjørnstjerne Bjørnson - Overzet uut t Norsk deur Jan Siebo Uffen

Kornelis ter Laan (1871 - 1963) was woordenboukschriever zunder zien gelieke; verzoameloar van volksverhoalen, volksriemen enz.; eerste rooie börgmeester van Nederland.

vorige
volgende

 

Schrijf ons